Баерн се договори со Рагник, ќе им плати отштета на Австрија

Toмас Тухел на крајот од сезоната ќе го напушти Баерн Минхен, а според најавите негов наследник може  да  биде Ралф Рагник.

Рагник во овој момент е селектор на репрезентацијата на Австрија, но не ја исклучува можноста да седне на клупата на Баерн.

Германскиот „Билд“ наведува дека Рангник е договорен со Баерн и дека наскоро сѐ ќе биде официјализирано.

„Разговорите помеѓу Баерн и Ралф Рангник се во завршна фаза. Сите во клубот се договорени дека тој ќе го преземе клубот. Закажан е уште еден состанок за да се финализираат сите детали”, пренесува „Билд“.

Баерн му нуди на Рангник договор до 2026 или 2027 година. Плус „баварците“ ќе платат компензација меѓу два и три милиони евра за Австрија да го ослободи од селекторската функција.