Академија Пандев потпиша договор со Димитар Трајков и го испрати на позајмица

Aкадемија Пандев денес објави дека потпиша договор со талентираниот напаѓач Димитар Трајков.

Трајков е роден 2004 година и го потпиша својот прв професионален договор. По потпишувањето на договорот ќе биде испратен во Беласица на позајмица до крајот на сезоната.

„Димитар Трајков го потпиша својот прв професионален договор. Димитар е роден 2004-та година, игра на позицијата напаѓач и е еден од играчите кои Академија Пандев ги смета за идни носители на сениорскиот тим во иднина. По потпишувањето на договорот Трајков заминува на шестмесечна позајмица во ФК Беласица“, соопштија од клубот.