„Земјотрес“ во Загреб: Динамо договори засилување од Милан

Динамо Загреб во финишот на трансфер периодот направи сензација и го потврди доаѓањето на Исмаел Бенасер од Милан.

Алжирскиот играч од средината доаѓа во Загреб на позајмица со право на откуп на крајот на сезоната, што се смета за најгласното засилување кое во последниве години пристигнало меѓу „сините“.

Бенасер (27) има договор со „росонерите“ уште две сезони, а клучната улога во неговиот доаѓање ја одигра првиот човек на Динамо, Звонимир Бобан, кој го донесе на Сан Сиро од Емполи во 2019 година.

Тогаш Милан плати за него 17.800.000 евра, а Алжирецот веднаш стана една од основите на играта и мозокот на средниот ред во тандем со Франк Кеси.

Иако подоцна го мачеа повреди, во шампионската сезона 2021/22 беше еден од најважните играчи на Милан, кога достигна и најголема пазарна вредност. Интерес покажаа Манчестер Сити, Ливерпул и ПСЖ, но Милан тогаш ги одби понудите под откупната клаузула од 50.000.000 евра.

Последниве години Бенасер се потешко се вклопуваше во плановите на „росонерите“, а минатата сезона ја помина на позајмица во Марсеј.

Фотографија: Принтскрин