ФИФА официјално потврди дека вувузелите нема да бидат дозволени на стадионите за време на Светското првенство 2026, кое ќе се одржи во САД, Канада и Мексико.
Познатите пластични труби, кои стекнаа светска популарност за време на Мундијалот во Јужна Африка во 2010 година и предизвикаа бројни полемики меѓу навивачите и телевизиските гледачи, се најдоа на листата на забранети предмети.
Според правилникот за однесување на стадионите, ФИФА забранува внесување на сите уреди што можат да создадат прекумерна бучава, вклучувајќи вувузели, свирчиња, труби и слични реквизити. Меѓу забранетите предмети се и ласерски покажувачи, како и други уреди што емитуваат ласерски зраци.
Светската куќа на фудбалот воведе дополнителни безбедносни мерки, па ограничувања ќе има и за внесување шишиња за вода за повеќекратна употреба. Навивачите кои нема да ги почитуваат пропишаните правила ризикуваат да не добијат дозвола за влез на стадионите.
Светското првенство ќе започне на 11 јуни, а финалниот натпревар е закажан за 19 јули. Турнирот за првпат во историјата ќе се одржи во три земји-домаќини – САД, Канада и Мексико.
Учество во игри на среќа е дозволено за лица со 18+ години. Играј одговорно!