Втората светска тенисерка остана шокирана: Полски новинар го постави најглупавото прашање на УС Опен (Видео)

Полската тенисерка и втората најдобра на планетата, Ига Швјонтек имаше тешка борба, но сепак ја совлада Сузан Ламенс со 2-1, со сетови 6:1, 4:6, 6:4, стигнувајќи до пласман во третото коло на УС Опен. По холандската противничка, за неа следи дуел со Русинката Ана Калинскаја, која лесно се справи со Казахстанката Јулија Путинцева со 2-0.

Швјонтек ја прескокна комплицираната пречка, но останува да видиме дали ќе ја помине и следната конференција за медиуми. Веќе некое време, таа е под притиок од некои полски новинари, што кулминираше по натпреварот со Ламенс.

По темелната дискусија за случувањата на натпреварот помеѓу Јелена Остапенко и Тејлор Таунсенд, полски новинар беше заинтересиран дали Швјонтек ќе носи бисери на косата, како Наоми Осака. Швјонтек реагираше бурно.

– Какво е ова прашање, ве молам? Дали сакам да ставам бисери на косата? Не. Што се случува тука – праша зачудено Швјонтек.

Пред ова, се водеше жешка расправа за потезите на Остапенко насочени кон Таунсенд, а беше истакнато дека не може да се суди човек врз основа на еден настан.

Iga Swiatek is asked in her press conference whether she would consider putting beads in her hair.

The world no.2 gives the question short shrift.

Tensions between Swiatek and the Polish media have been apparent for some time now pic.twitter.com/pyPdqf4P4W

— talkingtennis (@talkingtennis22) August 28, 2025