Предвидениот пријателски натпревар помеѓу Новак Ѓоковиќ и Стефанос Циципас, кој требаше да се одржи денеска во Атина, е откажан во последен миг бидејќи грчките власти оценија дека нема соодветни безбедносни услови за одржување на настанот, известуваат локалните медиуми.
Средбата од забавен карактер беше закажана во Зепион, непосредно во центарот на Атина и беше планирано да привлече голем број гледачи.
Од лозје до чаша: Уметноста на виното со Теодор Бојаџиев | Уште еден поткаст
Сепак, полицијата и безбедносните служби одлучиле дека настанот треба да се откаже поради проценка на ризикот и можните потешкотии при организацијата на собирот на оваа локација.
Поради ова, публиката ќе биде лишена од можноста да ужива во атрактивните потези на Ѓоковиќ и Циципас, но ова нема да го засегне одржувањето на официјалниот тениски турнир во Атина, кој започнува на 2 ноември и ќе трае до 8 ноември.
Учество во игри на среќа е дозволено за лица со 18+ години. Играј одговорно!