Винисиус со само два натпревари ја прекина доминацијата на фудбалерите на Барселона

Бразилецот Винисиус Жуниор е прогласен за играч на месецот во ноември во шпанската Ла Лига.

Винисиус настапи само на два натпревари, но против Осауна постигна хет-трик, а против Леганес беше асистент за Мбапе. Во меѓувреме имаше и репрезентативна пауза, Винисиус се повреди и во следните три недели ќе биде надвор од терените.

Бразилскиот ас така ја прекина доминацијата на фудбалерите на Барселона во месеците август, септември и октомври кога оваа награда ја освојуваа: Левандовски, Јамал и Рафиња.