Верстапен: Ова не е Формула 1, повеќе се насочуваме кон казни отколку на вистинска трка

Верстапен загуби во последната битка против Луис Хамилтон во Џеда и сега се е отворено и на последната трка на патеката во Абу Даби каде што двајцата влегуваат со ист број на бодови.

„Ова беше трка со многу возбудувања се случија повеќе работи со кои не се служувам. Кога во прашање е инцидентот, јас успорив за да ме помине, но тој не го разбра моментот и се удривме. Не знам што точно се случи. Добро е што фановите знаат што е тркање. Ова што се случува денес е неверојатно. Имаме спорт повеќе насочен на казни отколку на вистинска трка, за мене ова не е Формула 1“, изјави Верстапен.

Признанието возач на денот заврши кај Верстапен, но тоа за него веројатно е мала утеха. Последната трка се вози следниот викенд во Абу Даби и таму ќе се решава дали Хамилтон ќе стигне до осмата или Верстапен до првата титула во Формула 1.