Веќе е познато кој може да биде прво засилување за Мурињо во Мадрид!

Мортен Хјулманд (26), капитен на Спортинг Лисабон и незаменлив дефанзивен играч од средниот ред на данската репрезентација, е првата желба на Жозе Мурињо за летниот трансфер период во Реал Мадрид. Според радиото Копе, Спортинг е подготвен да го продаде Хјулманд за околу 50 милиони евра, иако неговата откупна клаузула е 80 милиони евра.

Хјулманд е дел од Спортинг веќе три години, откако беше купен од Лече за 19 милиони евра. Во овој период, тој го водеше Спортинг до освојување на две титули португалски шампион и една куп титула. За клубот одигра 140 натпревари, во кои постигна 10 и асистираше 12 голови. Мурињо оваа сезона добро го проучуваше бидејќи е стратег на Бенфика, најголемиот конкурент на Спортинг.

Копе додава дека Мурињо инсистира еден од неговите помошници да биде поранешен играч на Реал, чие име се уште не е објавено. Потсетуваме дека во првиот мандат во Реал, од 2010 до 2013 година, соработуваше со Аитор Карақа. Истиот извор спомнува дека Мурињо бара и врска помеѓу управата и тимот, улога која би можел да ја преземе Тони Крос.