Ливерпул успешно ја заврши својата задача во рамките на домашниот шампионат, откако на „Енфилд“ во драматичен натпревар го совлада тимот на Вест Хем со резултат 2-1.
Домашните поведоа уште во првото полувреме преку Луис Диаз, кој прецизно реализираше по одличната асистенција од Мохамед Салах. Иако Салах не се најде меѓу стрелците на овој дуел, повторно имаше значаен придонес во играта.
Во второто полувреме, драмата кулминираше во завршницата. Во 86. минута, Енди Робертсон несреќно ја испрати топката во сопствената мрежа, израмнувајќи го резултатот на 1-1. Но, само три минути подоцна, капитенот Вирџил ван Дајк по еден прекин со прецизен удар со глава ја донесе победата на „црвените“.
Во другите натпревари што се одиграа од 15:00 часот, Челси приреди разочарување за своите навивачи, одигрувајќи само 2-2 против Ипсвич.
Фото: Liverpool/FB
Учество во игри на среќа е дозволено за лица со 18+ години. Играј одговорно!