Барселона на импресивен начин ја потврди фаворитската улога во Ла Лига, совладувајќи ја Валенсија со убедливи 6-0 во натпреварот од четвртото коло на шпанското првенство.
Улични кучиња: Системски или човечки проблем? | Уште еден поткаст
Тимот на Ханси Флик уште од самиот почеток ја наметна својата игра и ја држеше иницијативата, а водството стигна во 29. минута преку Фермин Лопез, кој ја реализираше првата голема шанса на мечот.
Вистинскиот спектакл започна во второто полувреме. Рафиња, кој влезе од клупата, донесе свежина и во 53. минута зголеми на 2-0. Само неколку минути подоцна, Лопез повторно се најде во вистинско време на вистинско место и го постигна својот втор гол, носејќи им на „каталонците“ убедлива предност од 3-0.
Валенсија немаше одговор и изгледаше целосно надмоќено од силниот противник, што Барселона го искористи до крај. Рафиња погоди уште еднаш, а полскиот напаѓач Роберт Левандовски двапати ја затресе мрежата за конечни 6-0.
Учество во игри на среќа е дозволено за лица со 18+ години. Играј одговорно!