Интересна ситуација се случи во недела во Суперлигата на Србија, на натпреварот помеѓу Војводина и Младост, кога главниот судија Стефан Јекниќ за малку не повреди еден играч од Лучанскиот тим!
Во завршницата на првото полувреме, при резултат 2:0 за Војводина, Стефан Букинац напаѓаше по левата страна, а Јекниќ во еден момент се лизна и направи лизгачки старт кој лесно можеше да го собори Никола Андриќ.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Играчот од Лучанци се снајде одлично, го прескокна стартот на судијата кој исто така брзо се исправи и продолжи со работата.
Во таа акција гол не видовме, а Војводина на крајот победи со резултат 3:1. Кораќ и Деле ги постигнаа головите во првото полувреме, додека Петровиќ го постави конечниот резултат со пенал во завршницата. Претходно, Тумбасевиќ го намали резултатот на 2:1.
Со оваа победа, Војводина се израмни со крагуевачкиот Раднички на 4-то место. Двата тима имаат по 45 поени, ОФК Белград е трет со 49, додека Нови Пазар е под нив со 43. Лучани имаат 42.
Учество во игри на среќа е дозволено за лица со 18+ години. Играј одговорно!