ВАДА: Случајот на Синер е милиони километри далеку од допинг

Важен член на Светската анти-допинг агенција (ВАДА) застана во одбрана на Јаник Синер и одлуката на ВАДА да биде суспендиран на три месеци.

„Ова беше случај кој е милиони километри далеку од допинг. Научната анализа која ја добивме е таква што нема ни збор за намерен допинг, дури ни за т.н. ‘микродозирање’“, рече генералниот советник на ВАДА, Рос Венцел.

Суспензијата на Синер започна на 9 февруари и ќе трае до 4 мај, токму за да игра на турнирот во Рим.