Уште еден неверојатен настап на Дончиќ: Лејкерс запишаа седма победа по ред (Видео)

Кошаркарите на Лос Анџелес Лејкерс ја постигнаа седмата последователна победа, откако претходната ноќ ги совладаа Њу Орлеанс Пеликанс со резултат 133:121.

Херојот на триумфот повторно беше незапирливиот Лука Дончиќ, кој дури 20 поени постигна веќе во првата четвртина од натпреварот. Натпреварот го заврши со 34 поени, 12 скока и седум асистенции.

Лејкерси доминираа во првиот дел од натпреварот. По првата четвртина водеа со 46:27, а на одмор заминаа со убедливи 77:57. Тоа беше најголем број поени што ги постигнаа за полувреме оваа сезона.

Пеликанс го најдоа ритамот во третата четвртина, успеаја да го намалат заостанокот и последниот период од играта го започнаа со изводливи -11 (100:89). Сепак, тимот од ЛА во последната четвртина рутински ја задржа предноста и на крај заслужено победи.

Освен маестралниот Дончиќ, сјајна партија прикажа и Остин Ривс, кој натпреварот го заврши со 33 поени и осум асистенции, додека Деандре Ејтон имаше 22 поени и 13 скока.