Уапсен светски шампион на 100 метри, ја удрил девојката со тупаница во глава!

Фред Керли, некогашен светски шампион и актуелен освојувач на олимпискиот бронзен медал на 100 метри, е уапсен пред атлетскиот митинг во Мајами.

Поради ова, тој го пропушти овој спортски настан, а причината е конфликтот во службениот хотел на митингот. Според американските медиуми, Керли физички нападнал бивша девојка.

Според изјавите на сведоци, Фред ја удрил со тупаница во глава Алајша Џонсон, американска олимпијка, која се натпреварува на 100 метри со пречки.

„Керли е синоќа уапсен. Во тек е истрага и сите прашања поврзани со неа мора да се испратат до канцеларијата на шерифот во Браурд Каунти. Фред нема да трча овој викенд и немаме дополнителни коментари“, објавија организаторите.