Тренерот на Јувентус, Игор Тудор, со насмевка го прокоментира новиот неверојатен натпревар на неговиот тим, откако торинскиот клуб одигра нерешено 4:4 против Борусија Дортмунд, предводена од Нико Ковач, во првото коло од новата сезона на Лигата на шампионите.
Улични кучиња: Системски или човечки проблем? | Уште еден поткаст
Иако неговиот состав беше на работ на пораз, Тудор може да биде позадоволен од Ковач – Јувентус до третата минута од судиското продолжение губеше со 2:4, но сепак успеаа да извлечат значаен бод.
Само неколку дена претходно, Јувентус во Серија А го совлада Интер со 4:3, иако гостите во еден момент водеа со 3:2. Новиот натпревар во Лигата на шампионите донесе слично сценарио – овојпат со уште повеќе драма.
“Веќе ми е доста од вакви натпревари”, изјави Тудор за Sky Sport Italia.
“Во фудбалот никогаш не е завршено. Добро е што верувавме до крајот. Игравме против навистина силен тим и дадовме сè од себе. Сепак, примаме премногу голови.”
Натпреварот беше смирен во првото полувреме, меѓутоа продолжението донесе вистинска голеада – сите осум голови беа постигнати во вториот дел. Тудор истакна дека физичкиот замор на тимот беше очекуван, бидејќи играа само три дена по исцрпувачкиот натпревар против Интер.
Учество во игри на среќа е дозволено за лица со 18+ години. Играј одговорно!