Трент може да премине во Реал Мадрид порано од очекуваното

Одбранбениот играч на Ливерпул Трент Александер-Арнолд ги минува своите последни денови во клубот. Англискиот репрезентативец одби да го обнови договорот и се очекува како слободен агент да премине во Реал Мадрид.

Меѓу двата клуба се водат преговори повторно за одбранбениот играч да се приклучи на „белите“ уште пред почетокот на Светското клубско првенство на 15 јуни.

Ливерпул е подготвен да се согласи на оваа опција со компензација од 1 милион евра, а покрај тоа самиот играч треба да се откаже од својата плата за јуни, која исто така изнесува околу 1 милион евра.

Сегашниот договор на Александер-Арнолд со Ливерпул истекува на 30 јуни.

Светското клубско првенство ќе се одржи во САД, а финалето е закажано за 13 јули.