Тоа може само Мурињо: Еден телефонски повик беше доволен, се подготвува неочекуван трансфер

Португалецот Жозе Мурињо на почетокот на оваа сезона седна на тренерската клупа на Бенфика, откако ја напушти екипата на турскиот Фенербахче.

Со популарните „Орли“ од Лисабон, Мурињо потпиша двегодишен договор.

Како што обично е случајот, каде и да оди Мурињо, тоа не може да не помине без некои изненадувачки потези.

Овој пат Португалецот одлучи да го раздвижи трансфер пазарот во јануари.

Португалските медиуми пишуваат дека Жозе Мурињо стапил во контакт со Пауло Дибала и го замолил да дојде во таборот на Бенфика.

Аргентинецот е член на Рома со која има договор до летото 2026 година.

Сепак, Мурињо не сака да чека и наводно им рекол на челниците на Бенфика да подготват одредена сума за Рома веќе во јануари за Дибала.