Тешко повредениот во Арсенал може да се врати наскоро

Менаџерот на Арсенал – Микел Артета, смета дека повредениот Кај Хаверц може да игра пред крајот на сезоната.

Играчот заработи кинење на задното бедро за време на тренинг-кампот на „топчиите“ во февруари, што наложи операција.

Како резултат на тоа, „топчиите“ почнаа да играат со Микел Мерино како „лажна деветка“.

„Секоја повреда не е иста. Начинот на размислување на овие двајца – Сака и Хаверц, е многу, многу сличен. Неверојатна работна етика, силна желба да се врати на теренот што е можно побрзо и одличен медицински персонал кој се грижи за него. Се надеваме дека ќе успееме да го вратиме пред крајот на сезоната, но да почекаме. Кога ќе стигнеш до последната фаза на рехабилитацијата, тогаш можеш подобро да разбереш колку си блиску или далеку од следниот чекор“, рече Артета.