Младиот фудбалер Били Вигар, некогашен член на младинската академија на Арсенал и играч на англискиот Чичестер Сити, почина во четвртокот на 21 година по сериозна повреда на главата за време на натпреварот минатиот викенд.
Во натпреварот против Финчли, дел од Истмиан Лигата – Премиер Дивизија (седма лига на англискиот фудбал), Вигар ја удрил главата во бетонски ѕид. По несреќата, беше ставен во индуцирана кома, а во вторникот му беше изведена операција за да се подобрат шансите за негово закрепнување. Сепак, и покрај сите напори на лекарите, младиот фудбалер почина во четврток наутро.
“По тешката повреда на мозокот, Били беше во индуцирана кома. Во вторник имал операција која даде одредени резултати, но повредата беше преголема и го изгубивме”, се огласи семејството на Вигар.
Everyone at Arsenal is devastated by the shocking news that former academy graduate Billy Vigar has passed away.
— Arsenal (@Arsenal) September 25, 2025
All our thoughts are with his family and loved ones at this time.
Rest in peace, Billy ❤️
Били пристигна во Арсенал на 14 години и седум години играше за младинските категории на лондонскиот клуб.
Учество во игри на среќа е дозволено за лица со 18+ години. Играј одговорно!