Taжниот Роналдо од клупата го гледаше славјето на Наполи (ФОТО)

Кристиано Роналдо вчера пропушти прилика да стигне до трофејот во Купот на Италија, едно од ретките натпреварувања во кои играл и уште не го освоил.

Во финалето на „Олимпико“ неговиот Јувентус изгуби на пенали од Наполи, а Роналдо после натпреварот од клупата го гледаше славјето на Наполитанците.

На фотографијата може да се забележи дека не му е сеедно што трофејот не заврши во нивни раце.

Инаку, на Јувентус до крајот на сезоната му следи борба уште на два фронта, во Серија А и Лигата на шампионите. Во првенството Јувентус има бод повеќе од Лацио на лидерската позиција, додека во ЛШ го чека реваншот против Лион откако загуби во првиот натпревар со 1:0.