Тајсон го прекина молкот и откри како се чувствува по борбата со Џејк Пол

Легендарниот Мајк Тајсон предизвика бура од реакции со изјавата дека дуелот со Џејк Пол беше „повеќе шоу отколку спорт“, дополнително распалувајќи ги шпекулациите за однапред договорен епилог на борбата.

Јавноста е поделена, додека некои тврдат дека резултатите се наместени, други го гледаат овој меч како природен крај на една кариера и почеток на ново поглавје за боксерската легенда.

Тајсон во интервју за медиумите нагласи дека се чувствува „задоволно“, но и „збунето“, додавајќи дека му е најважно да остане верен на себе и секогаш да ѝ дава на публиката тоа што го очекува од него, а тоа е забава.

„Магично. Сè се случи многу брзо, осум рунди поминаа како миг. Не бев уморен, а не се ни испотив…“, вели Тајсон.