Tрајковски: Одигравме добри 70 минути, примивме два наивни голови

Стефан Даскалов за Спортски од Букурешт

Македонската репрезентација вчера беше поразена од репрезентацијата на Австрија со 3:1. Александар Трајковски беше еден од оние што не оставија лош впечаток на теренот, но сепак како да му недостасуваше подобра завршница.

„Мислам дека одигравме квалитетни 70 минути. Имавме позитивен резултат, тогаш дојдоа тие два гола според мене наивно примени. Не можам да кажам дека Австрија беше поквалитетна од нас, верувам дека ако продолжиме вака во наредните натпревари ќе дојдеме до подобар резултат. Убаво е да се игра на едно големо натпреварување, мило ми е што дојдоа толку многу луѓе, на крајот криво ми е што немавме позитивен резултат, но ние нема да се откажеме“, изјави Трајковски.

Натпреварот помеѓу Македонија и Украина се игра во четврток од 15:00 часот.