Среќна вест за Флик, Барселона посилна во клучниот период

Играчот за врска на Барселона, Дани Олмо од денеска повторно е во полн тренажен процес.

По тринеделна пауза, Олмо се враќа во составот и би можел да заигра во четврток на гостувањето кај Валенсија во осминафиналето од Купот на кралот.

Ова е одлична вест за Ханси Флик пред клучните борби на сите три фронта.

Наскоро се очекува и враќањето на Андреас Кристенсен, додека сезоната веќе ја завршија од претходно повредените Марк Андре тер Штеген и Марк Бернал.

Со враќањето на Олмо, Ханси Флик ќе биде во слатки маки, бидејќи сега тука се – тој, Фермин Лопес, Гави, Педри, Френки де Јонг.

Барса во четврток гостува кај Валенсија во Купот на кралот, потоа во недела игра со Севиља, па го пречекува Рајо Ваљекано, и на крајот од февруари гостува кај Лас Палмас.