Срамна одлука: Италијанците го наградија Синер и покрај суспензијата!

Јаник Синер, италијански тенисер, добитник е на наградата „Златна огрлица“, престижно признание од Олимпискиот комитет на Италија.

Како што е наведено, Синер ја доби оваа награда поради „заслуги во дресот на репрезентацијата во Дејвис купот, како и за индивидуални достигнувања“.

На прв поглед – заслужено, бидејќи Синер е без конкуренција најдобриот тенисер што Италија некогаш го имала и момче кое апсолутно доминира во „белиот спорт“ последните година и половина.

Освоил три ген слем титули, вкупно 19 АТП турнири во кариерата, две титули во Дејвис куп (2023 и 2024 година)…

Според сите параметри, Синер ја одбележал модерната историја на тенисот не само во Италија, туку и ширум светот.

Но, тука се појавува сериозен проблем. Имено, Италијанецот во март 2024 година бил позитивен на клостебол, супстанција забранета од Светската анти-допинг агенција. По повеќе месеци драма и жалба што ВАДА ја поднесе на првобитната пресуда по која Агенцијата за интегритет во тенисот (ИТИА) го ослободи Синер, двете страни постигнаа договор пред Судот за спортска арбитража, па Синер ја прифати вината и беше суспендиран на три месеци.

Таа казна истече на почетокот на мај, само неколку дена пред да добие најголемото признание што еден италијански спортист може да го добие од својот Олимписки комитет.

Dopo Lorenzo Musetti, altri tre tennisti azzurri vincitori della Coppa Davis ritirano il Collare d’Oro 🏅

Jannik Sinner 👉 https://t.co/yipHC1WQY3

Matteo Berrettini 👉 https://t.co/DSO5B8ZQlD

Lorenzo Sonego 👉 https://t.co/GNseYwfvhi#Tennis #Collaridoro @federtennis pic.twitter.com/KfAI4mtEHI

— CONI (@Coninews) May 9, 2025