Снукер сензација: Момче без ниту една победа стана светски шампион!

По четврти пат во историјата на снукер светските првенства, шампионот го одлучи последниот, 35-ти фрејм. Шампион стана момче кое до оваа година немаше славено во „Крусибл театра“.

Ву Јизе, младиот Кинез кој стигна до финалето откако Марк Ален направи неверојатна грешка, приреди една од најголемите сензации во историјата на овој спорт и му го нанесе четвртиот последователен пораз на шампионот од 2005-та година во финалињата на ова магично место – 18:17 за 22-годишникот од Ланчоу.

THE DRAMA!!#WorldChampionship pic.twitter.com/IyTATHU4Pq

— WST (@WeAreWST) May 4, 2026

Во претходните две учества на Светското првенство, Ву беше елиминиран во првото коло и во неговата професионална кариера имаше само еден рангиран наслов до доаѓањето во Шефилд – каде што живееше во изнајмен стан со татко му и тренираше. Ова му беше практично прва победа во странство. Симпатичниот Јизе потврди дека доаѓа ново време на снукер играчи од другиот дел на планетата.

LIFE-CHANGING MOMENT!#WorldChampionship pic.twitter.com/MpcxJv7vlB

— WST (@WeAreWST) May 4, 2026

Прв трофеј за Кина на истото место минатата година донесе Џао Синтонг, победувајќи го трикратниот шампион Марк Вилијамс. Јизе, на својата патека до триумфот, елиминираше врвни играчи: Леи Пеифан во првото коло (10:2), четирикратниот светски шампион Марк Селби во осминафиналето (13:11), Хосеин Вафеи во четвртфиналето (13:8), Марк Ален во незаборавното полуфинале (17:16) и, на крајот, Марфи во финалето (18:17).

Во последните две рунди во „Крусибл“ Јизе играше одлучувачки фрејмови, оние кои значат или победа или крај. Марфи, заслужено наречен „Магионичар“, приреди една од поголемите сензации на светските првенства во 2005 година кога го победи Метју Стивенс (18:16), но од тогаш имаше три последователни порази во финале – од Џон Хигинс во 2009, од Стјуарт Бингам во 2015 и од Марк Селби во 2021. Се надеваше и веруваше дека ќе стане шампион уште еднаш, но пропушти шанса откако прв дојде до меч топка.

Under that pressure, ridiculous pot 😅 pic.twitter.com/UZ5mYY7UNS

— Out Of Context Snooker (@OOCSnooker) May 4, 2026