Славески за првпат загуби и остана без појасот во БКФЦ (Видео)

Македонскиот борец Горјан Славески синоќа го доживеа својот прв пораз во БКФЦ (Првенство во бокс со голи раце), откако беше поразен во борбата за светската титула во велтер категорија од искусниот Џулијан Лејн на настанот БКФЦ 79 во САД.

Битката се одржа на легендарниот „Бафало Чип“ камп во Стерџис, Јужна Дакота, во рамките на едно од најголемите спортско-забавни случувања во Америка. Славески, попознат како Гого, издржа пет рунди со силниот Лејн, но двапати заврши во нокдаун – во третата и петтата рунда, што на крајот пресуди за исходот на борбата.

GOGO GETS DROPPED AGAIN ‼️#BKFC79 | Watch NOW EXCLUSIVELY on DAZN pic.twitter.com/8cmwf1qjYx

— DAZN Sport (@DAZN_Sport) August 3, 2025

Судиите едногласно му ја доделија победата на американскиот борец со судиски бодови од 49-44, 49-44 и 48-45. Иако не успеа да стигне до шампионскиот појас кој беше испразнет, Славески, кој е роден во Скопје, а моментално живее и се натпреварува од Мајами, останува еден од најперспективните борци во БКФЦ со скор од шест победи и само еден пораз.

Поразот доаѓа како дел од развојниот пат на македонскиот борец, кој со своите настапи продолжува да ја привлекува вниманието на американската публика и да го носи македонското знаме во една од најбруталните боречки сцени денес.

GOGO SLAVESKI GOES DOWN!! 😱#BKFC79 | Watch NOW EXCLUSIVELY on DAZN pic.twitter.com/lk6IPamWfa

— DAZN Sport (@DAZN_Sport) August 3, 2025