Мароканскиот репрезентативец Закарија Абуклал се најде во центарот на вниманието на јавноста откако упати сексистички навреди кон политичарка во Франција, а потоа одби да игра на натпревар на денот на борбата против хомофобијата.
Абуклал, кој настапува за Тулуз, влезе во конфликт со советничката за спорт на градот, Лоренс Арибаж, додека фудбалскиот тим го прославуваше триумфот во Купот на Франција.
До инцидентот дојде кога тренерот на тимот, Филип Монтањ, држеше говор на свечениот прием. Неколкумина фудбалери беа гласни, по што Арибаж ги замоли да бидат потивки.
Тоа не му се допаднало на Абухлал, па и рекол: „Во мојата куќа жените не зборуваат така со мажите“.
„Поради сериозните обвинувања против фудбалерот на Тулуз, Закарие Абухлал, клубот соопштува дека играчот ќе тренира одвоено од тимот, додека не ги добиеме резултатите од внатрешната истрага“, соопштија од клубот.
Учество во игри на среќа е дозволено за лица со 18+ години. Играј одговорно!