Синот на Анчелоти не сака да го замени Чаби Алонсо на “Бернабеу”

Синот на Карло Анчелоти – Давиде, го отфрли предлогот да го наследи Чаби Алонсо ако Реал Мадрид се раздели со сегашниот тренер. Недела пред Божик, Давиде Анчелоти беше ослободен од Ботафого, каде што по првпат во својата кариера беше главен тренер.

Меѓутоа, за време на викендот, италијанецот беше на “Бернабеу” за натпреварот против Бетис, што предизвика гласини за можниот негов повраток во Реал.

„Ништо такво нема. Се наоѓам во различен период од мојот професионален живот. Само сум фан на Реал Мадрид и пријател на Чаби Алонсо, тоа е сѐ. Моментално сум на одмор и дојдов да го поддржам Реал Мадрид. Среќен сум што донесов среќа“, објасни Давиде Анчелоти за “Марка”, цитиран од МИА.