Синер испрати порака пред враќањето на теренот по суспензијата

Јаник Синер наскоро му завршува тримесечната суспензија, а успеа да остане на врвот на АТП листата во периодот кога не играше.

На Италијанецот му е дозволено да се врати на тренинзи на 13 април, а суспензијата му завршува на 4 мај.

Мастерсот во Рим започнува на 7 мај, што за Синер ќе биде прво појавување по суспензијата.

„Напорно тренираме, првите натпревари сигурно нема да ми бидат лесни, но се надевам дека ќе успеам да го вратам ритамот“ рече Синер во интервју за „ORF Sudtirol“.

Синер се осврна на позитивните страни од неговата пауза.

„Бев далеку од гужвата, поминував време со семејството и пријателите, правев некои нови работи и подобро запознавав сам себе. Мислам дека тоа многу ми помогна“ додаде Синер.

Фото: Grok AI