Синер ќе ја прекине соработката со тренерот Кејхил

Првиот рекет на светот Јаник Синер нема повеќе да соработува со 59-годишниот австралиски тренер Дарен Кејхил, откако беше потврдено по триумфот на Италијанецот над домашниот Тристан Сулкејт во второто коло на Австралијан опен.

Разделбата на 23-годишниот Италијанец со Кејхил ќе биде по завршувањето на сезоната, а Австралиецот претходно најави дека Синер ќе биде последниот тенисер кој ќе го тренира.

„Ова ќе биде последната сезона на Дарен како мој тренер“, потврди Синер за „Еуроспорт“.

Австралиецот сака да поминува помалку време патувајќи, а повеќе со семејството по повеќедецениската кариера.