Шпански коментатор без „влакна на јазикот“: Ова е најголемиот грабеж во историјата кој ФИФА го спроведе!

Познатиот шпански фудбалски коментатор Маноло Лама ја обвини ФИФА дека извршила најголем скандал во историјата на фудбалот за време на натпреварот меѓу Аргентина и Египет (3:2) во осминафиналето на Светското првенство.

„Денес бев сведок на големото враќање на Аргентина и една од најголемите грабежи што ФИФА ги направила во фудбалот.

Тоа што ФИФА му го направи на Египет е најголемата кражба што сум ја видел во животот. Делата се случуваат на теренот, гледаме гол, сè е завршено, а потоа ликот од ВАР собата решава да ја прегледа снимката и тие го поништуваат египетскиот гол.

Во врска со третиот гол на Аргентина, можат да се разгледаат две ситуации во казнената област на Аргентина. Две. Јасно држење на противникот без можност за играње со топката, аргентинскиот играч го фаќа и го турка египетскиот игра, а потоа, контактот со ногата на Салах, ако го погледнете, тоа е газење, тоа е газење и контакт во казнениот простор..

За мене, ниту имаше фаул врз Аргентинецот за поништување на голот на Египет, ниту пенал врз Салах, но една ситуација ја прегледуваат затоа што ликот од ВАР одлучи така, а за друга молчи.

Ја видов раката на Марадона, го видов голот на Тијери Анри… Но, она што го видов денес е најголемата кражба во историјата.

Тоа не значи дека Аргентина не заслужила победа или дека Меси не е најдобриот играч во светот, тој е најдобриот во историјата, но судијата и ВАР судијата се срамни фигури и точка“, изјави легендарниот Маноло Лама.