Шкендија се раздели со голманот Давор Талески

Eкипата на македонскиот прволигаш, Шкендија објави дека се разделува со голманот Давор Талески.

Талески си заминува од тетовскиот клуб по две ипол години и ќе се обиде да пронајде средина каде што ќе има поголема минутажа.

„Шкендија се заблагодарува на Давор Талески за трудот и неуморната работа за време на неговиот престој тука. Му посакуваме среќа и успех во неговата понатамошна кариера“, објави Шкендија.

Покрај Талески од Шкендија заминува и напаѓачот Дауда Бамба кој пристигна летово, но имаше проблеми со повреди, па така неговиот договор стана неважечки.