Сенеси рекол “да” на Тотенхем

Тотенхем постигнал принципиелен договор со дефанзивецот на Борнмут Маркос Сенеси, тврди новинарот Флоријан Плетенберг. Договорот на 28-годишниот Аргентинец истекува по оваа сезона и можноста да биде земен како слободен агент го направи примамлив залак за повеќето од водечките клубови. Се тврдеше дека Челзи, Манчестер Јунајтед, Ливерпул, Јувентус и Рома покажувале интерес кон него. Изгледа дека Тотенхем ја добива битката за него.

Секако, има важен услов и тоа е поврзано со останувањето на Тотенхем во Премиер лигата. Последново не е воопшто сигурно, бидејќи во моментов “петлите” се во зоната на испаѓање, два бода зад Вест Хем.

Тотенхем дефинитивно има потреба од играчи во центарот на одбраната, бидејќи упорно се зборува дека Кристијан Ромеро и Мики ван де Вен може да заминат летово.

Во оваа сезона Сенеси одигра 35 натпревари во сите натпреварувања со екипата на Борнмут.