Барселона и во 2025 година влезе со бројни проблеми, а можеби токму денес е право време да се потсетиме што рече Чави Ернандес и поради кои зборови доби отказ.
Иако првобитно беше соопштено дека останува и дека ја сменил одлуката откако претходно даде оставка, до крајот на сезоната се предомисли. Меѓутоа, се предомисли и Жоан Лапорта кој одлучи да се раздели клубот со својата легенда.
Исхрана, повреди и тренинг – совети од доктор по спортска медицина | Уште еден поткаст
Најмногу до тоа доведе песимистичкиот став на Чави и јавното изнесување за тешката финансиска состојба во клубот.
“Ќе повторам, состојбата во клубот е исклучително тешка. Не сме во добра состојба и немаме потребни услови да се натпреваруваме на највисоко ниво. Повторувам, состојбата никогаш не била ваква, во моментот Барселона е далеку од потребното ниво и навивачите тоа мора да го знаат и да го прифатат”, изјави Чави во мај.
По оваа конференција, Жоан Лапорта се разбесни и одлучи да го отпушти Чави.
Шест месеци подоцна, Барса не е во можност да го регистрира Дани Олмо за вториот дел од сезоната и натпреварувањето во Ла Лига. Прилично е јасно дека Лапорта повторно ја изиграл јавноста, тој се повлекува со ризични потези кои го рушат угледот на клубот.
Учество во игри на среќа е дозволено за лица со 18+ години. Играј одговорно!