Себаљос се враќа во Бетис?

Долго спомнуваната приказна за можниот повторен трансфер на Дани Себаљос во Реал Бетис повторно е во центарот на вниманието, додека клубот бара замена за повредениот Иско.

Како што наведува Мундо Депортиво, Себаљос би можел ова лето да го напушти Реал Мадрид и да се врати во Бетис.

Интересот на Бетис значително порасна откако Иско со повредата на ногата ќе биде надвор од терените подолго време.

Се зборува дека Себаљос официјално побарал да го напушти Реал Мадрид за да се приклучи на Бетис, меѓутоа отштетата би можела да претставува пречка.

Реал бара до 20 милиони евра, додека Бетис сака значително пониска сума.