Себаљос со порака до Барселона: Залудно имате убава игра кога не знаете да победите

Реал Мадрид ѝ избега на Барселона на огромни седум бодови предност, а Дани Себаљос по победата над Лас Палмас го „пецна“ најголемиот ривал.

Реал победи во неделата против Лас Палмас со резултат 4:1, Себаљос беше еден од најдобрите на теренот, а по натпреварот имаше порака за Барселона, која ден претходно направи нов кикс со Хетафе. 

„Барса? На крајот, не е важно да играш убаво ако тоа не донесе резултат. Важно е да се победува“, рече Себаљос. 

Како што се очекуваше, веднаш следеа голем број реакции на социјалните мрежи, бидејќи Барселона два пати оваа сезона го совлада Реал Мадрид – со 4-0 и 5-2, го освои Суперкупот на Шпанија, а и во Лигата на шампионите е второпласирана, веднаш зад Ливерпул.