Само еден играч на Барселона ги одигра сите натпревари оваа сезона, сега и тој се повреди

Овој удар доаѓа во момент кога тимот се обидува да го стигне водечкиот Реал Мадрид во Ла Лига и да освои што подобра позиција во Лигата на шампионите.

Педри оваа сезона беше единствениот играч на Барселона кој почна на сите 13 натпревари во сите натпреварувања. Неговата постојана форма и издржливост беа клучни за стабилноста на тимот, но новата повреда го приморува младиот играч од средината на теренот да направи пауза.

Да потсетиме, во големото дерби против Реал Мадрид во Мадрид, кое Барселона го загуби, Педри првпат во својата кариера доби црвен картон, откако собра два жолти.