Само еден фудбалер бил подобар од Миовски викендов во Ла Лига 📸

Maкедонскиот напаѓач Бојан Миовски викендов го одигра најдобриот натпревар од неговото пристигнување во Жирона и против Еспањол двапати се запиша во листата на стрелци и еднаш асистираше.

Со таков настап, Миовски заслужено се најде и во тимот на колото на шпанската елита. Миовски во тимот ја доби втората најдобра оценка и пред него е само неговиот соиграч Хил со 9.1, македонскиот репрезентативец е оценет со 8.91.

Од редовите на Жирона во тимот се уште Ван Де Бек и Крејчи, тројца се од Реал Мадрид (Рудигер, Валверде и Винисиус), двајца од Валенсија (Дуро и Рарега и по еден од Атлетик Билбао (Сансет) и Барселона (Пења).