Роналдо изгуби трпение и грубо турна навивач (ВИДЕО)

Познатиот португалски фудбалер Кристијано Роналдо грубо го одстрани навивачот од својата близина во хотел во Ереван.

Инцидентот беше снимен и споделен на социјалните мрежи, каде предизвика многу коментари од разочарани обожаватели. На видеото се гледа како навивачот му се приближува за да направи селфи со фудбалерот, но Португалецот во движење грубо го оддалечува младиот човек.

По инцидентот, брзо интервенираше обезбедувањето, кое ги отстрани останатите навивачи од познатиот фудбалер.

Португалската репрезентација на 6-ти септември во сабота игра против домашната репрезентација на Ерменија во квалификациите за Светското првенство 2026 година. Натпреварот во Ереван започнува во 18 часот.

Кристијано Роналдо повторно покажува лошо однесување кон своите фанови, а сепак има луѓе кои го презентираат како пример, и покрај многубројните вакви видеа 🤣🤣🤣 pic.twitter.com/nRErl46Bva

— Sebas Crackbol (@Crackbol10) 5 септември 2025