Роналдо добива друштво во нападот: Ал Наср троши 50 милиони евра за напаѓач

Германскиот шампион Баер Леверкузен би можел да остане без една од своите најголеми ѕвезди, напаѓачот Виктор Бонифејс, кој е на прагот на трансфер во Ал Наср.

Според најновите информации, Бонифејс не присуствувал на денешниот тренинг на Баер Леверкузен, бидејќи бил на состанок поврзан со неговото евентуално преминување во саудискиот клуб.

Ал Наср е подготвен да издвои 50 милиони евра за да го донесе напаѓачот во своите редови, а Бонифејс наводно е заинтересиран за оваа можност.