Родриго го прашаа за Реал на претставувањето, а неговиот одговор жестоко ги навреди „Кралевите“!

Вечерва Родриго беше официјално претставен како ново засилување на Барселона, иако пред само десетина дена беше на прагот да потпише за Реал Мадрид. Секако, прашањето за Реал не можеше да го избегне, а она што го рече сигурно нема да им се допадне на навивачите на кралскиот клуб.

Барселона вечерва го официјализира трансферот на Родриго од Манчестер Сити, и нема сомнение дека ова е најголемиот потег кој сме го виделе досега во текот на преодниот рок.

Родриго потпиша договор со Барселона до летото 2030 година, а овој трансфер ќе ги чини Каталонците околу 75 милиони евра, вклучувајќи ги и бонусите.

Реал и Сити договорија за скоро идентични услови на трансферот, но сè неочекувано се промени кога се вмеша Барселона, по што Родриго одлучи да потпише за Блауграните.

Нема сомнение дека ова е голем удар за егото на Флорентино Перез, бидејќи дојде од најголемиот ривал. Но, она што особено ги разочара навивачите на Реал беше изјавата на Родриго вечерва.

Новинарите го прашаа Родриго околу Реал Мадрид, и тој призна дека имал и други понуди, но дека Барселона секогаш била негов прв избор.

„Јасно е дека имав и други опции, но Барселона беше мојот прв избор и тоа го објаснив на Жоан Лапорта и управниот одбор. Во мојата кариера, одлуките секогаш беа водени од спортски аспекти, а ни овој пат не беше поинаку”, рече Родриго.