Реал: Нема да играме натпревари ако немаме минимум 72 часа одмор.

Реал Мадрид соопшти дека нема да се согласи да одигра уште еден натпревар без 72 часа одмор меѓу натпреварите.

Тоа го потврди и тренерот на Реал Карло Анчелоти, по победата против Вилјареал со 2:1 на гостински терен во шпанското првенство.

Натпреварот меѓу Вилјареал и Реал започна во 18:30, а Реал во средата играше против Атлетико Мадрид реванш натпревар од осминафиналето на Лигата на шампионите. Тој натпревар започна во 21 часот и траеше 120 минути по што се изведоа пенали.

„Ова е последен пат да играме два натпревари во 72 часа,“ рече Анчелоти и додаде дека клубот побарал од управата на лигата да го премести натпреварот за недела.

Реал соопшти дека ќе се консултира со Меѓународната фудбалска федерација (ФИФА) за распоредот на натпреварите.