Реал Мадрид одигра безобразен натпревар и загуби со 2:4 при гостувањето на Бенфика во натпреварот од последното 8-о коло на основната фаза на Лигата на шампионите.
Тоа значи дека шпанскиот гигант ќе мора да игра плејоф натпревари за пласман во 1/8-финалето, откако заврши на 9-тото место. Килијан Мбапе го отвори резултатот за “кралевите” во 30-тата минута, но шест минути подоцна Андреас Шелдерјуп израмни за домаќините, а Евангелос Павлидис од пенал во продолжението на првиот дел (45+4′) го донесе целосниот пресврт за португалците.
До кога ќе дишеме отровен воздух!? | Уште еден поткаст
Во 54-тата минута следуваше и вториот гол за Шелдерјуп, а четири минути подоцна Мбапе го намали резултатот исто така со својот втор гол. Потоа, во последните секунди на натпреварот, како завршница за гостите беа исклучени Раул Асенсио и Родриго.
На сè ова, во вистински последната акција од натпреварот, голманот на Бенфика Анатолиј Трубин ги казни гостите за финалните 4:2, со што го пласира својот тим на плејофите. Најинтересно е, дека на плејофите можат повторно да се сретнат, бидејќи Реал ќе игра или против португалците, или против Бодø/Глимт.
Учество во игри на среќа е дозволено за лица со 18+ години. Играј одговорно!