Реал му верува на Анчелоти, но ќе го смени ако не ја исполни целта – веќе е познато и кој би го наследил!

Реал Мадрид загуби со 2:5 во натпреварот за титулата во шпанскиот Суперкуп од Барселона. Позицијата на Карло Анчелоти како главен тренер на тимот не е разнишана, но ќе биде заменет ако не ја заврши сезоната со титула во шпанското првенство или со освојувањето на Лигата на шампионите. Познато е и кого би сакале да го видат во Мадрид на чело на тимот.

Тоа го наведува „Релево“, истакнувајќи дека Анчелоти за почеток има три задачи пред себе. Мора да победува, неговиот тим мора да изгледа убедливо и мора да го организира составот за подобро функционирање. 

Ако не биде успешен во тоа и остане без ниту еден од двата важни трофеи на крајот од сезоната, клубот ќе го игнорира фактот дека има договор до летото 2026 година и ќе донесе замена за него. Најголемата желба е Чаби Алонсо, а и тој самиот не би имал ништо против таков развој.