Развојот со Диоманде го расчистува патот на Баркола кон Ливерпул

Откако вчера водечките трансферни експерти информираа дека Јан Диоманде одлучил да ја продолжи кариерата во Пари Сен Жермен, а францускиот клуб дури започнал разговори со Лајпциг, темата за иднината на Брадли Баркола повторно стана актуелна.

Со овај развој на ситуацијата, Ливерпул нема да прави повеќе понуди за крилото од Брегот на Слоновата Коска, откако мрсисејдци веќе направиле таква, но таа била одбиена од Лајпциг. Сепак, на „Енфилд“ продолжуваат да бараат флангов напаѓач кој ќе го замени Мохамед Салах. Новиот фаворит во тој однос е токму играчот на ПСЖ Брадли Баркола.

Јур Ливерпул долго време има интерес за францускиот репрезентативец, но досега се тврдеше дека парижаните немаат намери да го продадат. Ако сепак ПСЖ го финализира трансферот на Диоманде, а и на Манес Аклиуш, што е исто така многу веројатно, францускиот клуб ќе биде отворен за продажба на Баркола. Самиот играч не е согласен да биде само дел од ротацијата на Луис Енрике, па почнува да гледа кон излезот.

Според Матео Морето, Јур Ливерпул веќе планира нови контакти со Брадли Баркола и неговите претставници.

Арсенал исто така покажува интерес за францускиот репрезентативец.