„Рашфорд не вреди ниту десет милиони фунти“

Поранешниот голман на Манчестер Јунајтед, Бен Фостер, зборуваше за Маркус Рашфорд и неговата изведба оваа сезона. 

Фостер некое време беше голман и за репрезентацијата на Англија, а најголемата трага ја остави кога бранеше за Вест Бромвич Албион. 

“Маркус Рашфорд… Толку многу луѓе зборуваат за него, велат дека ќе биде неговиот ден, но тој се појавува секои десет натпревари. Не можете да си дозволите да имате луксузен играч кој одигра добро само еднаш на десет натпревари. Мора да замине од Манчестер Јунајтед. Мислам дека за него би било подобро во МЛС, или нешто слично”, рече тој. 

Фостер смета дека Рашфорд сега не вреди ни 10 милиони фунти.  

“Луѓето зборуваат за 40 милиони фунти. Дури и 10 милиони… Мислам, јас не би ни толку платил за него”, изјави Фостер.