Работнички се засили со Бразилецот Алмеида

Работнички го претстави најновото засилување во своите редови за претстојната сезона – бразилскиот офанзивец Калани Карилјо Дос Сантос Алмеида.

Овој 24-годишен фудбалер од Бразил потпиша договор на две години со скопскиот клуб, и доаѓа од Словенија, каде што минатата сезона настапуваше за екипата на Толмин. Во дресот на словенечкиот клуб, Алмеида се истакна со седум постигнати голови и една асистенција на 31 одигран натпревар.

Пред да заигра во Словенија, Алмеида бил дел од неколку клубови во родната земја, меѓу кои Атлетико Минеиро, Ботафого од Параиба и Маринга, а има и запишани настапи за словенечката Горица.

Фото: Facebook/ФК Работнички