Рабио предизвика хаос во Франција со изјавите по поразот од Англија

Франција синоќа беше поразена во натпреварот за трето место на Светското првенство од Англија со резултат 6:4, а по натпреварот Адријан Рабио се појави пред камерата и со своите изјави предизвика хаос во француската јавност.

Иако Триколорите важеа за прв фаворит за освојување на Светското првенство, на крајот го завршија натпреварувањето без освоен медал.

Екипата на Дидје Дешамп имаше шанса да стигне до бронзата во натпреварот против Англија, но на крајот претрпе нов пораз со резултат 6:4.

Французите синоќа во поголемиот дел од натпреварот за трето место изгледаа сосема незаинтересирано бидејќи јасно беше дека повеќето играчи на оваа селекција воопшто немаа желба да го играат натпреварот.

Тоа предизвика и незадоволство во соблекувалната на Триколорите, особено кај играчите кои очигледно сакаа Франција да го одигра натпреварот на највисоко ниво и достојно да се прости од натпреварувањето.

Поради тоа, огромно внимание предизвика Адријан Рабио кој по натпреварот се појави пред камерата и искрено кажа што мисли за настапот на својата екипа.

„Денес видов однесување што никогаш не сум го видел во својата кариера. За еден ваков натпревар е неприфатливо да се однесуваат така некои од играчите“, рече Рабио, алудирајќи на некои соиграчи.

🇫🇷🏴󠁧󠁢󠁥󠁮󠁧󠁿 Адријан Рабио ги критикува соиграчите и нивното „неприфатливо однесување“!#beINFWC2026 pic.twitter.com/dXYIngkdmU— beIN SPORTS (@beinsports_FR) 18 јули 2026