ПСЖ добива големо засилување за финалето против Арсенал во ЛШ

Ашраф Хакими би можел да се врати навреме за големото финале против Арсенал, откако постојат позитивни сигнали за неговата повреда.

Според информации на француските медиуми, меѓу кои и RMC Sport, во таборот на Пари Сен Жермен владее оптимизам дека мароканскиот репрезентативец ќе добие зелено светло за настап по последните медицински прегледи.

Хакими се опоравува од повредата, а прогнозите се дека би можел да биде дел од составот за финалниот натпревар, што би претставувало големо засилување за францускиот шампион во клучниот дуел кој се игра во Будимпешта.